滑到5月！北海道最新開滑雪Resort – Club Med Kiroro 全包試住體驗

【🏂Club Med Kiroro滑雪酒店試住體驗】受到疫情影響，幾年以來大家困喺香港無得出國，更遑論冰天雪地嘅滑雪溫泉假期，所以開關以來無人唔想抓緊機會返多幾次鄉下。過咗農曆年超旺季同3月櫻花季，日本機票終於回落，想捉緊今年的雪季尾巴來一場北海道滑雪之旅，今個雪季新開幕的Club Med Kiroro滑雪酒店，因為地勢及雪量關係可以滑至5月初，而且All-inclusive三餐全包的食宿連滑雪ski pass，每人平均$2,000頭就有交易，非常抵滑，想趁夏天前滑(多)一轉雪，絕對是又新又超值選擇。

❄️最近札幌的Powder天堂

去北海道滑雪，不少人都以為必定要去近年最多新酒店落成的二世古，無錯，二世古積雪豐厚，要powder有powder，不過消費也因為多遊客而變得高昂，論就腳又優質的滑雪場，Kiroro是當地人的三甲之選。Kiroro滑雪場另一優點是海拔夠高，最高點逾千米令雪量豐富，powder粉雪量也豐富，滑雪季通常由12月初開到5月上旬，比二世古多出一個月，21條雪道最長可滑走4公里，又設有夜滑時段，適合初學者至高階skier/ boarder，可以盡情享受滑雪樂趣。

Club Med Kiroro🏂一價全包滑到底

Club Med Kiroro Peak剛於今年日本旅遊大門重開的12月正式開幕，翻新的酒店對正滑雪場，行兩步到酒店附設的ski locker，換好gear即可踏出雪地跳上chair lift和gondola上山滑雪，極之方便。Club Med作為海島及滑雪resort的老大，最大賣點就是房價是All-inclusive：入住期間一日三餐及基本酒水不在話下，基本上每趟滑完雪返到酒店都可以先在ski locker除下行裝，立即衝去餐廳或酒吧醫肚，不用逐樣計費，這樣放假才是盡興。

全包只係三餐？唔只！就係連入住期間的ski pass及滑雪課堂都包，每日上下晝各有不同程度的ski或snowboard班可以自行報名，完全零經驗者可以由BB班學起，有少許經驗者可以跟教練refresh一下幾年無滑雪的基本動作，至於高級組甚至可以跟住教練上山頂玩Tree Run，要知道平時滑雪報堂跟教練，閒閒地收費過千蚊一日，住Club Med的超值位就喺呢度。

🏨超方便一幢式ski resort

住宿方面，翻新過的房間共126間，共分3種級數，全部集中於一幢大樓內，5分鐘就能夠由房間去到ski locker，換衫食飯、飲嘢、睇show、浸溫泉全部搞掂。今次入住嘅係標準房（2人房），浴室闊落而且附設衣帽間，將行李篋攤開仍有位掛滑雪褸、放雪鞋，唔駛佔用睡房空間，住得舒適愜意；另有和室設計的標準3人房，面積更大，梳化床可讓第3人入住，更容易夾不足滑雪腳。值得一提是Club Med Kiroro Peak只限 12歲以上人士入住，沒有小朋友叫嘵奔跑，更感愜意。另外，酒店內設有大浴場，備有室內及半露天浴池，滑完一整日雪想浸個熱水浴，舒緩肌肉疲勞最好不過。

🍣食足7餐 吃盡道產美食

以為一價全包，吃的都是自助餐同行貨？Club Med嘅伙食又再一次完勝你的想像！入住Club Med幾日，幾乎無一刻肚餓：早餐隊一碗三文魚子海鮮丼，午餐有湯咖喱飯、鰻魚飯、漢堡任君選擇，晚餐在live kitchen即點即炮製嘅煎國產牛扒、北海道產芝士配薯仔rachlette，再嚐款式超多的精緻甜品，菜式日日轉款，住上一星期都唔覺得悶。

另外，今年尾才開幕的另一間Club Med Kiroro Grand，設有特式餐廳，於晚上供應日式碳火燒肉，Kiroro Peak住客現已可以享用，同樣房價已包，仲可以無限次任book，雪夜裡品嚐國產靚牛靚豬及羊肉，與友人重飲住啤酒重溫一日的滑雪樂事，放假就是如此無俱無束無煩惱。計埋Lobby及滑雪場入口提供的小吃和清酒，一日七餐不是騙人，吃多咗即刻滑雪消耗返囉！