隨住小智同大比鳥再次相遇，我哋年代嘅卡通《比卡超》總算是暫告一段落。不過Pokemon潮流並沒有因此而停下，香川縣觀光協會剛剛公佈，今個4月「呆呆獸公園」（ヤドン公園）即將登場，跟一眾呆呆粉絲見面！
日本首座呆呆獸公園座落於香川綾川，離市中心高松站約45分鐘車程，乘「高松琴平電氣鐵道琴平線」於「綾川站」下車，步行約10分鐘即達。入場費全免的呆呆獸公園內有6大玩樂設施，大型呆呆獸伏大公園中間的小山丘上，鞦韆、消梯、氹氹轉、平行木等，小朋友玩樂，大朋友打卡！
ヤドン公園（ひだまり公園 あやがわ）
預計開園日期：2023年4月中
地址：香川県綾歌郡綾川町萱原253-7（小羽毛池跡）
網址：https://yadon.my-kagawa.jp/park/
呆呆獸遍布香川縣
原來於香川縣唔難找到呆呆獸身影，自2018年4月起，觀光局多次跟呆呆獸合作，推出多個觀光活動，包括17個設計有趣、遍布香川周邊的呆呆獸坑渠蓋，吸引唔少粉絲踏上尋呆呆之路，綾川町都有一個，仲要係呆呆獸同香川名物烏冬為題，有機會記的打卡。
另外，還於4間指定酒店特設呆呆獸主題套房，包括：丸龜PLAZA酒店、琴平溫泉琴參閣、小豆島國際酒店、高松東急REI酒店，套房設計各異，洋式、和式供自由選擇。而來往高松機場，或會遇上呆呆獸機場晚士、小巴、的士等，仲有主題渡輪等交通設施，陪你旅遊香川。
當然唔少得一系列地區限定呆呆獸商品，擺設、玩具、手信零食等，最近更新出呆呆獸烏冬。指定食店可找到呆呆獸烏冬、甜品及飲品，想集郵全套，應該要花上半個月時間！
問：日本共有幾多個比卡超公園？
Pekomon公園近年陸續落成，想知道有幾多個？下次話你知！記得留意住 #日本見～！
