由北海道遠道而來的「くまちゃん温泉 香港之湯」（後稱「小熊溫泉火鍋」）首間海外分店，日前於太古城中心二樓Food Hall 「Carnival」正式開幕，為一眾心急回鄉又未批到年假嘅鄉里帶來福音！據負責人指出，開業前已有不少人致電查詢及嘗試訂位，看來打卡小熊吸引力非同凡響！
之前 #日本見 都提及過，呢隻咁可愛的小熊溫泉火鍋，始於北海道札榥，因火鍋為小熊泡溫泉模樣，成為網紅打卡店，2021年更於東京涉谷開設分店，有睇過 #日本見 旅遊書 《miru東京見》都知道，小編曾親身到涉谷試食！今次香港分店亦指出，由小熊個樣、到湯底，甚至個鍋，都跟足北海道本店，包你有如親身飛到日本一樣。
多款湯底 與小熊一人一鍋
小熊溫泉火鍋共有7款湯底供選擇，其中6款為常設口味，包括：膠原蛋白濃雞湯、擔擔麵湯底、鰹魚湯底、壽喜燒湯底、豆乳湯底及韓國辣泡菜湯底，而第7款則是季節限定之湯，開業期間限定為四川麻辣口味，配合一人一鍋，想自私食又得，同朋友一人一款試多幾個湯底亦可。
想目擊小熊溶化 捉緊打卡時間
一人一鍋設單點及套餐可選，入座緊記先選湯底，再揀選日本產和牛、豚肉、雞肉或海鮮拼盤，火鍋套餐則包蔬菜盤及烏冬或白飯，價錢由$108起。由豐富骨膠原製成的溫泉小熊隨即泡著湯底上枱，想打卡的話，建議不要急著開爐，因開爐數分鐘小熊便開始溶化成濃厚的骨膠原湯底，過程滑稽有趣，值得拍片放閃！
追加特色小食、小熊芭菲吐司、特調飲品
火鍋以外，香港分店提供多款特色小食，如炸蛋糕、炸雞翼及雞軟骨等，飯後再配個小熊芭菲或時令水果吐司。如點選火鍋套餐，加$48即可享用迷你版小熊芭菲，細食一族請留意番！
くまちゃん温泉 香港之湯
地址 : 香港太古城中心2樓255號舖Carnival
營業時間 : 11:30am – 8:30pm (最後入座）
備註 ： 設少量訂座限額（須到餐廳預訂）
