AK幾個月前同隊友Alton去完東京迪士尼海洋玩之後，最近又去了迪士尼，不過今次是香港的迪士尼樂園！
這次老闆是為自家品牌KYUBI拍攝宣傳照，更於園內多個地方取景，包括城堡、旋轉木馬、旋轉杯、迷離大宅及正門入口的米奇花壇，全部都清場拍攝，羨慕死一眾迪士尼粉絲！（包括我！）
其實早於4月4日（兒童節！），KYUBI已劇透會跟Disney crossover，一眾生粉都估老闆會出佢最愛的辛巴，點知6月中的時候出了post，竟然是迪士尼惡人！真係估佢唔到！（估到就唔係老闆啦！）「唔可以judge我個鍾意㗎… 對迪士尼！」（老闆曾於Youtube片中講過！）
大家知唔知道，今年是迪士尼成立100周年？華特迪士尼及洛伊迪士尼兩兄弟，於1923年10月16日創立「迪士尼兄弟卡通製片廠」，生粉是不是在心裡「啊～」了一個聲呢？無錯，Disney同老闆同一日生日㗎！
兩年前AK在迪士尼幫Ian慶祝生日時講到，當知道Ian跟唐老鴨同一日生日之後，自己都上網search過有無同任何一個迪士尼卡通人物同一日生日，Ian仲笑佢：「我估就無啦！」原來AK更勁，係同Disney同一日生日！
唔知今年AK會唔會在迪士尼樂園幫自己及Disney慶祝生日呢？既然是迪士尼惡人系列，不如順便在迪士尼開Halloween Party？順便plug埋新歌《Blue Monkey》，跟一眾惡人合唱「開心我要更加曳～」
KYUBI將會於7月中在銅鑼灣時代廣場開設期間限定主題店「黑魔法舞會」，除了有打卡區，可能會有Disney Villains Collection by KYUBI全新系列產品發售，大家記得密切留意KYUBI的IG：www.instagram.com/_kyubi_official
