等到頸都長，日本龍貓扭蛋今夏終於推出第4彈！這個扭蛋系列以宮崎駿人氣作品《龍貓》為主題，每次選角都讓人驚喜十足。今次事隔超過半年先推出嘅第4彈，扭蛋主角不再是龍貓，而是同樣大受龍貓迷歡迎的超可愛貓巴士。由於扭蛋只在日本的吉卜力專門店「橡子共和國」有得扭， 次次推出都好快完賣！
自2021年起吉卜力專門店「橡子共和國」推出的「でておいで」龍貓扭蛋系列（￥500/個），真係慢工出細貨，繼灰塵精靈、小梅螃蟹、龍貓之後，等到2023年7月22日終於推出第4彈。今次輪到貓巴士當主角的扭蛋，蛋殼造型共有4種款式（眼睛方向不同）。
同第3彈的龍貓扭蛋一樣，蛋殼上面會有植絨，摸上手毛絨絨，很有手感，而扭蛋內更藏有5種款式的龍貓戒指，就連唔係龍貓迷嘅小編都覺得好得意！由於扭蛋只在日本「橡子共和國」有得扭，而每人最多只可以扭5次，扭唔扭到一套就要靠運氣啦！
どんぐり共和国 （橡子共和國）
網址：https://benelic.com/donguri
