【京都直擊】網絡熱爆！職人原塊冰磚雕鑿京都打卡冰杯咖啡＋預約教學

【#京都自由行2023】唔止香港天氣熱到爆標，日本京都一樣熱死人，幾乎日日都有37、38度，唔怪得當地消暑冰品大受歡迎！今年在網絡熱爆的就係呢杯京都冰杯咖啡，用來裝咖啡的冰杯是由京都職人原塊冰磚雕鑿而成，每日限量只供應10杯，上網預約一位難求，成功打卡者靠住呢杯咖啡就吸引了數以萬計粉絲畀LIKE！

Cold Brew Coffee￥2,000 原塊冰磚人手雕鑿而成，由於老職人要親手製作，故此每日只可供應10個冰杯，非常限量！

夏季限定冰磚咖啡每日限量供應10杯

小編今年去京都最幸運就是喝得到這杯每日限量供應10杯的Cold Brew Coffee！這杯在IG瘋狂洗版的冰磚（杯？）咖啡，原來是Hyatt Regency Kyoto大堂的Cafe33今年才推出的名物，整塊精瑩透徹的冰磚由京都當地潔淨的地下水製作，再由老職人以人手雕鑿而成，每個都獨一無二！由於製作耗時，故此每日只可供應10個，超限量！Cold Brew Coffee會有一壺由京都小川珈琲豆製成的冷萃咖啡，也會附上一球雲呢拿雪糕、糖水及牛奶，大家可以想點飲就點飲！咖啡留意這杯咖啡供應期由6月1日至9月30日，錯過咗就要等到下年啦！