【ANA新廉航】Air Japan 2023年2月首航飛曼谷飛機餐食壽司無得輸！

香港航空業仲未回復運力，使票價依然高企，日本嘅航空業早就大反彈，出年仲有新力軍進入市場。ANA旗下除咗本身同樂桃Peach之外，明年新增航空公司Air Japan，近日終於宣布首航目的地，係直飛曼谷呀。吊詭嘅係，來回票價連行李和稅項，為返港紙$2,500咋，航程飛足7個幾鐘，媲美廉航嘅價錢！

23年2月中來回成田至曼谷機票，連稅、可選基本坐位及包23公斤寄艙行李，才港幣$2,500左右。

Air Japan主打中長途航線

全新Air Japan以成田為據點，主力飛東南亞，定位係中長途嘅廉航，服務比較多，例如用私伙手機或電腦接駁機內Wi-Fi 可以睇電影‌；中長途機程難免肚餓，尋日發布會上預告嘅飛機餐睇相絕對無得輸，滑蛋親子丼、南蠻雞、壽司盒、仲有兒童飯糰Set，輪賣相絕對贏Beef or Chicken 十條街，可以預訂或機即直接柯打，飛機餐要收費都畀得心甘情願！