東京人氣漢堡扒店 – 「挽肉と米（hikiniku to come）」，2023年越燒越旺！上個月首間海外分店於台北中山開幕後，國內第4間分店剛於8月25日正式開幕，登陸九州福岡！唔一定要去東京、京都，3日2夜福岡遊都可以食到人龍店喇！
福岡今泉分店 都一樣要排隊拎籌
來到福岡提起「ハンバーグ」（漢堡扒），大多都諗到起用九州黑毛和牛的人氣老店「極味や」，今次「挽肉と米」加入戰場，加上有唔少人抄考兼有樣學樣，人氣店梗係冇有怕，以「炭火即場現燒」、「續個熱住食」、「多款配料轉換口味」等獨有賣點，甫開業已大受歡迎！想食的話，請先到店面記帳，揀選時間及揀好整理券，準時返去開餐！福岡店暫時並沒有涉谷店誇張，所以提早拎籌大多有得食，如果想揀心水時間，就早少少去拎籌喇！
排隊拎整理券 係咪每間都一樣？
呢個問題，近日有唔少人問！主要因為超人氣嘅涉谷店剛由8月1日起轉用網上預約制。
每個星期五早上9點，訂位網（Tablecheck）會放出下星期（星期一至日）的位置，當日預約則於每朝11點於網上截龍。網上預約制推行至今，均於星期五開放預約當日極速爆滿！提提你，唔好再一早去涉谷店排隊拎整理券，想食的話就要較好鬧鐘上網訂位！
溫提多次，網上訂位會於信用於收取￥1,600保證金，但只限於取消預約時才會過數（前一日取消收費50% / 當日取消收取100%），如需臨時變陣，記得提早取消。到達後會依預定時間叫名入店，不一定早到有得提早入座、不可指定坐位、4人預約有可能2人一對分開入座，記得喇！
其他分店，如吉祥寺、京都、福岡及台北都係到達店面直接登記並領取理整券為準。
#日本見 個人建議，如果去東京玩又想食，不如抽時間到吉祥寺店，就可省卻網上搶飛嘅煩惱了。
各大分店 期間限定要留意
「挽肉と米」4間日本國內分店及台北分店原來不時會推出期間限定小食、飲品或周邊商品。今個夏天，「挽肉と米」京都店2樓嘅IceBar就推出水果雪條，其中以士多啤梨味最受歡迎，最適合有如火爐一樣嘅關西。而台北店則有獨家限住玻璃杯，十分可愛，好想帶一套返屋企。最後，當然唔好忘記每月29日（肉の日）以特選和牛製作嘅漢堡扒！
挽肉と米 福岡今泉店
地址：福岡県福岡市中央区今泉1−4−11
092-761-2959
11am-3pm / 5pm-9pm（周三休息）
