日本麥記永遠唔會令大家失望！今個12月為慶祝HELLO KITTY踏入50歲大壽，一口氣推出50款造型可愛嘅KITTY掛飾，仲要食「開心樂園餐」就有，唔使加錢換！不如50隻咁多，仲要盲盒抽法冇得揀，真係一日3餐，每餐食3個先得掂喇！第一彈12月15日開始，第二彈12月22日跟貼，仲有第三彈未正式公布，12月會去日本嘅每一位，頑張れ！
第一彈 12月15日 START！ 重點必搶：50周年KITTY & M記店長制服LOOK
12月15日率先推出25款穿上可愛服飾嘅HELLO KITTY，當中包括50周年、M記店長、士多啤梨妹妹LOOK，每個都有獨特名字！睇番個樣，「カラフルバニー」（Colorful Bunny）同超經典嘅「ミルク」（Milk）都好想入手！所有KITTY都係手掌大細，容易收藏，點解咁好架！
第二彈 12月22日 START！重點必搶：M記店員LOOK & 美人魚？
之後12月22日會推出埋餘下25款，當中都有店員制服LOOK，真係好想儲齊一套！呢一彈之中「平成ギャル」（Heisei Girl) 同「ベイビー」(Baby) 都好出色，真係款款都想要！唔通又要返去當年儲Snoopy咁食法！？
第三彈 12月29日 START！ 係咪賣剩先有架？
官網指出最後一彈係有齊50隻（點解一開始唔咁做先？），即使你12月15日未去得切日本，都仲有最後機會得到頭25隻KITTY！
