有無人好似日本見小編，無論幾早起身預備出發去機場，但到最後都總係要怱怱忙忙趕到最後一刻先去到機場Check-in？小編通常都係坐香港快運，貪佢飛日本嘅班次多又最平，畀多少少錢買埋U First，唔使排長龍、快快手Check-in完。不過今次小編無畀錢買U First，反而用自助登機＋寄艙行李託運，成個過程係3分鐘內做完，以後去程可以慳返唔使用U First。好嘢要同人分享，決定畀大家睇清楚自助Check-in＋寄行李嘅步驟！
傳統人手登機櫃枱 VS 自助登機＋寄艙行李
想快，係唔可以懶嘅。要喺航班起飛前最少75分鐘前去做定Online Check in 。去到機場，千祈唔好走去排人手check-in 個條長龍，反而走去無咩人用嘅自助辦理登機機器，掃描護照辦理登機手續。搞唔掂都唔緊要，有好多職員會即刻幫手，快快手列印好登機證及行李牌，即可行過去自助行李寄艙櫃檯託運行李。
自助行李託運步驟
第1步：辦理自助登機手續，領取行李牌，將行李牌繫在行李上；
第2步：前往自助行李寄艙櫃檯，在屏幕上選擇語言，將行李放到輸送帶上；
第3步：掃描登機證，領取行李收據，完成
另一個更加方便的方法，就係用智能電話行李託運，全個過程完全係用一部智能電話搞掂，不過呢個方法就要預先登記「登機易」，出發前要先搞一大輪，比較啱有計劃嘅乘客，但用過一次就好快上手，因為唔算好多人用，寄行李超級快手！
智能電話行李託運步驟
第1步：航班起飛前48小時於 香港快運 手機應用程式辦理登機手續
第2步：掃描護照登記使用「登機易」，同意條款細則，完成登記
第3步：到達機場H行段H19-20櫃檯，以全自助方式辦理行李寄艙手續打開程式內的電子登機證，點擊「智能電話行李託運」按鈕
第4步：將寄艙行李放於智能電話行李託運櫃檯旁的輸送帶，掃描QR CODE，望鏡頭做臉容識別
第4步：將智能電話放在護照上作掃描，確認寄艙行李詳情，繫上列印出來的行李牌，以智能電話掃描行李牌，點擊「託運完成」按鈕，完成
成個過程慳咗排隊時間，日本見小編用咗3分鐘搞掂，仲有大把時間行去天際走廊打卡、食埋個早餐先上機！
#自助行李託運 #DeadlineFighter揮手區
