細個去旅行，印象最深刻係 – 飛機餐，果一刻覺得好食過阿媽餐飯。人大咗，廉航選擇又多咗，先發現原來對飛機餐有要求咗，亦唔再係一個「MUST」，不過本住「人一上機總會餓」同埋「食飽先有力落機再食多啲」嘅定律，坐親香港快運（Hkexpress) 都會趁住Online Check-in時有咩新菜式。今個夏天佢就同「堅信號」及「海皇粥店」合作，推出多款冇諗過坐飛機都食到嘅小食，而最唔少得梗係Hkexpress最受歡迎嘅香港街頭小食系列，回程時頂一頂癮，再計劃下一個旅行！
香港快運（Hkexpress) 每季度都會更新時令菜式，今個夏天推出一系列大人小朋友都啱食嘅主食及輕食，仲破天荒同本地品牌「堅信號」及「海皇粥店」合作，推出「一口爆湯生煎包」、「秘製豬扒菜飯」及早機好想食到嘅「皮蛋瘦肉粥」。小編親身試食，只要於行程前於網上預訂，一上機坐定定立立有得食！「一口爆湯生煎包」一份兩粒，送到時仲熱騰騰，難怪附上「小心熱湯」卡仔，因為內餡豐滿、一咬爆汁，以飛機餐指標評分，已經算係神還原，10分滿分會畀佢8分，差果2分係湯汁太爆，可能彈到隔離位（Very Sorry）！仲有超早機必選：皮蛋瘦肉粥，同老人家去旅行必選！
暑假又快到，一早買好機票同屋企人親子遊？聽過唔少人講「果杯雪糕對小朋友嚟講好緊要」，今個夏天呢杯雪糕終於香港快運（Hkexpress) 都有機會食得到，由2024年7月1日到8月31日期間，一共4款人氣口味嘅Haagen-Dazs 100ml版雪糕期間限定供應！另外，菜單內亦有為小朋友精選嘅「飛越天際」 薄餅套餐（附Qoo果汁及趣味禮品）」，及幾飽都食得落嘅「港式小食套餐（咖喱魚蛋+魚肉燒賣 + 維他檸檬茶）」，最啱回程時掛住香港味道嘅大家！
上機食好西 預訂先最抵
心思思想訂餐？又想上到機慢慢揀？建議於行程前於網上預訂心水美食，官網更不時推出限時優惠，記得留意！想預早訂餐，只要於香港快運官網「管理我的訂位」揀選餐牌精選即可進行預訂，就起飛嘅你要快手喇！www.hkexpress.com/zh-hk/plan/extras/food-and-drinks/
