東京實測！日本購物退稅兼可賺里數！「亞洲萬里通」新增五大夥伴 賺盡mileage攻略

年尾清假兼且有多個公眾假期，準備好再次飛東京了沒？有冇諗過，宜家去東京購物血拼，退稅同時可以賺里數？無錯，國泰的「亞洲萬里通」在日本最近與多個當地夥伴合作，只要消費時或退稅時出示你的「亞洲萬里通」會員卡，就可以賺取里數，甚至乎食飯以及訂枱都賺到mileage！編輯部9月初快閃了一轉東京，實測幾個港人最常前往的購物熱點，同大家解拆下如何購物同時賺里數！Let’s Go！

01｜全日本13間三井OUTLET PARK 100円賺1里

最令購物狂恩喜嘅賺里數熱點，必定係全日本有13間Outlet的三井OUTLET PARK，血拼減價名牌子同時，仲可以每100円賺1里，而且仲有限時2X優惠！

今次去實測嘅係東京出發最方便嘅「三井OUTLET PARK木更津」，Outlet內擁有高達330間商店，從時尚服飾、運動用品、家居雜貨到美食餐廳，應有盡有。賺里數方法好簡單，只要在Outlet內如常shopping，在商店內退好稅（或部份商店要在Outlet客服中心退稅），集齊單據，臨走前前往客服中心並出示你的「亞洲萬里通」會員卡，當日每消費100日元即可賺取1里數。小編實測，只要出示手機App內的會員號碼頁，也可以儲到里數！

一般賺里數Rate：100円賺1里數
即日至2025年10月31日，於三井OUTLET PARK大阪門真及三井OUTLET PARK瑪林匹亞神戶可享2X里數；
預告：2025年11月1日至12月31日，於全部13間三井Outlet Park亦可享2X里數！

📍三井OUTLET PARK賺里數詳情：連結

02｜Bic Camera買家電、藥妝、玩具必去 500円賺1里

對於許多熱愛日本電器、家居用品的朋友來說，Bic Camera 絕對是必訪的聖地，從最新款的相機、電飯煲、美容儀器、露營用具，到各式各樣的動漫周邊商品、美妝藥品等等，都能一站式滿足你的購物慾。

小編今次去東京有樂町站旁的的Bic Camera實測，在各個樓層分別購物後，前往專為遊客的退稅櫃枱付款，同時出示「亞洲萬里通」會員卡，每消費500日元即可賺取1里數（即日至2025年10月27日更可享2X里數）。如果買到Switch 2、相機或電器，銀碼大，累積里數速度會更快，例如（如果有現貨）購買最新RICOH GR IV snap shot神機，扣除後就可輕鬆賺到708里。

一般賺里數Rate：500円賺1里數
即日至2025年10月27日，可享2X里數（即消費500円賺2里）

📍Bic Camera賺里數詳情：連結

🛍️參與里數優惠的Bic Camera分店：有樂町、秋葉原、新宿東口、新宿西口、名古屋 JR Gate Tower、名古屋西口、難波、天神 1 號館、天神 2 號館、札幌

03｜新宿西口京王百貨 買手信必逛 200円賺1里

新宿周邊的百貨公司林立，位於西口嘅京王百貨感覺可能唔夠其他百貨年輕，但其實內裡不乏買手信好貨！京王的食品樓層，原來開咗熱賣嘅花花奶油脆餅「薰るバターSabrina」、日日斷市嘅Perfect Pizza脆餅「NEWYORK PERFECT CHEESE」、不敗手信「Shiseido Parlour」等，而且仲有可以退稅嘅超級市場，買生果以及由LIFE超市提供嘅日常食品都可以退稅，而且呢度無伊X丹咁迫人！

另外百貨店內不乏人氣品牌，如金子眼鏡店、日本文具雜貨殿堂Itoya、年輕家品選物店Flying Tiger等等，在京王百貨消費完前往2F專櫃退稅即可賺里數，每消費200円可賺1里數，爆買新宿絕不要錯過呢站！

一般賺里數Rate：200円賺1里數

📍京王百貨賺里數詳情：連結

04｜買到最後一站 羽田機場Haneda Airport Garden 200円賺1里

東京快閃的最後一站，當然不能錯過羽田空港的購物天堂「HANEDA AIRPORT GARDEN」，集購物、餐飲、溫泉於一身的綜合設施，是上機前的最後血拼之地。無論是松本清、紀伊國屋書店、Kokuyo文具店、咖啡用品專門店hario，可為補購日本伴手禮作最後衝刺！另外這裡的食店消費都可以儲「亞洲萬里通」里數，上機前吃多一餐燒肉、鰻魚飯都能夠以每200円賺取1里數。

一般賺里數Rate：200円賺1里數
2025年8月21日至9月30日，消費可享2X里數（即200円賺2里數）

📍HANEDA AIRPORT GARDEN賺里數詳情：連結