日本九州大分，繼由布院同野生動物園，又多一個「必去」嘅新理由。以Hello Kitty 為首的 Sanrio 集團 ，正式宣佈要將大分縣嘅「Sanrio Harmonyland」升級成全新的極具娛樂性嘅一站式度假村」（Entertainment Resort），將呢打造成「世界上最溫柔的地方」，未來會結合主題樂園、酒店、自然景觀同地方文化，成為Kitty迷及任何旅客都啱玩嘅度假聖地。（小編最感動係：Sanrio Harmonyland 終於Upgrade喇！幾時到Puroland呢）
從主題樂園變身度假村 大分機場改名為「大分HelloKitty機場」？！
Harmonyland 位於大分縣日出町山上，自 1991 年開幕至今快 35 周年，一直係戶外型 Sanrio 主題樂園，近年已經同大分縣合作推動觀光，包括把大分機場改名為「大分 Hello Kitty 機場」、運行直通樂園的「Harmony Liner」巴士等。 現在 Sanrio 同營運公司 Sanrio Entertainment 正式提出「娛樂度假村化」基本構想，下一步會發展住宿、交通、設施升級等，更似一個完整 Resort，而唔再只係「玩一日就走」的樂園。
「天空之園」構想：山景 + 海景一次過睇晒
今次公開的關鍵字係「天空花園」（天空のパーク）：構想中會善用樂園本身有高低落差的山坡地形，打造向天空打開的開揚景觀，同時加建大型雨遮大屋頂，令遊客唔使擔心落雨或夏天炎熱，任何季節都可以舒服玩一日。 設計上亦構思增設纜車、電動移動工具等，改善園內移動動線，對於一家大細、長者或拖行李的旅客會更友善。
新酒店構想：變成可以「住幾晚」的 Sanrio 度假村
對香港旅客最實際的改變，就係官方提出「在附近興建酒店」的計劃。構想中的酒店位置可以遠眺樂園、山巒同別府灣海景，希望成為整個度假區的核心設施，令原本多數人只玩半日或一日的 Harmonyland，變成適合 2–3 日甚至更長停留的旅遊據點。 對於本身會去別府、由布院泡溫泉的香港人，可以將「住 Harmonyland 酒店 + 別府溫泉 + 大分市」串連成一條新路線。
共創型開發：由粉絲到「住民」一齊參與
Sanrio 今次強調唔係自己「起好晒先比你玩」，而係由構想階段開始就同粉絲、地區居民一齊諗，計劃成立「Harmonyland 未來共創室」（暫名）線上社群，邀請大家參與設施、裝飾、商品、餐飲以至園內交通方式的發想。 官方甚至用「遊客唔只係客人，而係同一個未來的『居民』」去形容，希望打造一個大家共同參與、共同成長的 Kawaii 度假小鎮。對鍾意 Sanrio 的香港人而言，未來有機會透過網上活動或投票，參與設計「自己都會去的樂園」。
以「誰的笑容都不放棄」為理念
作為 Sanrio 集團首個自家策劃的大型 Resort 計劃，官方將創業理念「大家要好好相處」（みんななかよく）放到很前，提出七大重點，包括「同大家一起打造的度假村」、「世界級體驗融入大分日常」、「讓每個人都變得最可愛的地方」、「成為讓人想回來的城市」、「100 年後仍然快樂和美麗」、「誰的笑容也不會放棄」等等。 實際上會體現在通用設計、包容性設施、貼心服務等，例如讓不同年齡、不同身體條件人士都能一起享受遊樂設施和表演。對帶同長輩、小朋友甚至三代同行的香港家庭非常吸引。
Sanrio Harmonyland
https://www.harmonyland.jp/
